Yr Ynys
Yr Ymddiriedolaeth
Gwibdaeithiau
Aros ar Enlli
newyddion
siop
CysylltuEnglish
Ynys Enlli - Bardsey Island
 

 

Ymunwch â’r Ymddiriedolaeth
Gwnewch eich rhan i sicrhau dyfodol tymor hir yr ynys – ac arbed arian ar eich gwyliau!

rhagor o wybodaeth

.....................................................

 

Adran Aelodau’r Ymddiriedolaeth

ewch i mewn yma

.....................................................
 

Aros ar Ynys Enlli!
Yr holl wybodaeth angenrheidiol am wyliau wythnos ac ymweliadau dydd.

rhagor o wybodaeth

.....................................................
 

Afal Enlli
Tyfwch goeden afal arbennig Enlli. Rhywbeth i’ch atgoffa o Enlli yn eich gardd eich hunan.

rhagor o wybodaeth

.....................................................

Ymunwch â'r Rhestr Bostio am wybodaeth ddiweddaraf a

chynigion arbennig

 
 

 

Gwybodaeth Hanfodol i'ch gwyliau ar Enlli

 

Llety

Rhentir y tai wrth yr wythnos o ddydd Sadwrn i ddydd Sadwrn.
Mae cost y cwch ar ben pris y ty. Cost i groesi yw £35 y person.
Rydym yn cynnig llety hunan-arlwyol sylfaenol. Er nad ydynt yn foethus, mae’r tai wedi eu dodrefnu’n gyfforddus. Mae’r gegin yn cynnwys popty nwy, oergell/rhewgell a digon o offer coginio ar gyfer y nifer o bobl y caniateir iddynt aros ym mhob un.
Nwy a chanhwyllau sy'n rhoi golau; mae toiled cemegol yn yr ardd y tu allan i bob tŷ.
Darperir llestri, hylif golchi llestri, papur toiled, matsis, canhwyllau ac offer glanhau tŷ.
Nid oes trydan yn y tai.
DALIER SYLW: Eich cyfrifoldeb chi yw gwagio pwced eich toiled cemegol eich hunain. Mae safle gwaredu ar gyfer bob tŷ. Mae pibell dwr oer i bob tyŷ o ffynnon, ac offer arlwyo sylfaenol. Dylech fod yn ymwybodol bod dwr yn brin ar yr ynys a dylech fod yn hynod o ddarbodus.

 

Gohiriadau a Chanslo
Pe baech yn cael eich gorfodi i ganslo eich ymweliad ag Enlli am unrhyw reswm, ni fydd yr Ymddiriedolaeth yn gyfrifol am unrhyw ad-daliad os na osodir y llety eto, yna bydd yr Ymddiriedolaeth yn ad-dalu 50% o'r blaendal. Pe bai croesi i Enlli yn cael ei ohorio oherwydd y tywydd, ni fydd yr Ymddiriedolaeth yn gyfrifol am unrhyw ad-daliad am ddyddiau a gollir. Pe bai croesi o Enlli yn cael ei ohirio ar ddiwedd eich arhosiad bydd tâl o £5 yr oedolyn (£3 y plentyn) am bob diwrnod ychwanegol y byddwch ar yr ynys.
Yswiriant
Mae croesi i Enlli yn llwyr ddibynnol ar y tywydd ac ambell waith mae'n rhaid gohirio'r daith. Pan fydd hyn yn digwydd ni fydd yr Ymddiriedolaeth yn gyfrifol am unrhyw ad-daliad neu iawndal (gweler uchod). Fe'ch cynghorir i drefnu eich polisi yswiriant eich hunain.
Croesi i Enlli

Yn dibynnu ar y tywydd, bydd ymwelwyr am yr wythnos yn croesi ar ddydd Sadwrn o Borth Meudwy (ger Aberdaron). Pe bai i'r croesi gael ei ohirio oherwydd y tywydd, byddwch yn croesi ar y diwrnod braf cyntaf canlynol. Mae'r broses o gludo teithwyr a;u paciau i;r ynys ac oddi yno yn eithaf cymhleth felly ceisiwch fod yn amyneddgar.

Dylech gadarnhau;r trefniadau ar gyfer croesi drwy ffonio'r Swyddfa ar y dydd Llun neu dydd Mawrth cyn i chi groesi : ffoniwch 08458 11 22 33 yn ystod oriau swyddfa. Byddwch yn cael gwybod pryd i gyfarfod y gwch a dylech gadarnhau'r nifer o bobl fydd yn eich grwp. Fe'ch cynghorir i wisgo dillad glaw ar gyfer croesi.

Bydd hefyd rhaid ffonio rhif arbennig ar y nos Wener cyn croesi ar ol 7 yh i gael manylion am amser croesi'r cwch ar y dydd Sadwrn. Y rhif yw 07971769895

 
 
Porth Meudwy
Gellir gadael ceir yn fferm Cwrt am dâl o £15.00. Telir hwn ar ddiwedd eich arhosiad. Ni dderbynir unrhyw gyfrifoldeb trostynt. Bydd aelod o staff yr Ymddiriedolaeth yn eich cyfarfod ym maes parcio fferm Cwrt ar gyfer cludo eich paciau; mae taith gerdded o 10 munud i lawr i'r teaeth. Efallai y bydd raid i chi aros am y cwch am beth amser cyn croesi. Gan nad oes unlle i gysgodi ym Mhorth Meudwy dylech sicrhau bod gennych ddillad glaw a rhywfaint o fwyd a diod wrth law. Byddwch yn cael eich cludo o’r lan i’r cwch mawr mewn cwch bach rwber a bydd croesi ar y cwch mawr yn cymryd oddeutu 20 munud. Os yn bosibl, dylai ymwelwyr helpu i symud paciau ar y cwch.
Cewch ragor o wybodaeth am eich arhosiad yn y Daflen i Ymwelwyr, ar gael o Swyddfa'r Ymddiriedolaeth.

 

Pethau hanfodol
Pa bethau ddylen ni fynd efo ni?

Ceisiwch sicrhau bod eich paciau mor fychan â phosibl gan nad oes cymaint â hynny o le yn y cwch. Dylech bacio pob dim mewn parseli bychain, hawdd eu cludo, wedi eu lapio mewn plastig a’u clymu’n dda gyda chortyn cryf. Dylid nodi ar bob parsel ym mha dŷ y byddwch yn aros. Gall paciau heb enw’r tŷ wedi ei nodi’n eglur arnynt fynd ar goll neu fod yn hwyr yn cyrraedd. Ni chaniateir anifeiliaid anwes ar yr ynys ac ni chaniateir ffotograffiaeth masnachol heb ganiatâd Ymddiriedolaeth Ynys Enlli.
Esgidiau a dillad ar gyfer pob tywydd, gan gynnwys welingtons.
Sach gysgu neu ddwfe, cynfasau a châs gobennydd (mae blancedi yn y tai).
Llieiniau ac offer ymolchi a llieiniau sychu llestri.
Fflachlamp dda, bylbau dros ben a digon o fatris dros ben.
Os ydych yn defnyddio unrhyw feddyginiaeth dylech sicrhau eich bod yn dod â chyflenwad dros ben i barhau o leiaf wythnos ychwanegol.
Arian neu lyfr siec er mwyn talu am barcio.
Digon o fwyd a diod
Mwy nag sydd ei angen am wythnos, oherwydd mae’r tywydd ambell dro yn rhwystro’r cwch rhag croesi.
Offer ychwanegol
Yn naturiol, rydym yn gofyn i chi gyfyngu eich paciau i’r hyn sydd wir ei angen, ond gall y canlynol ychwanegu at eich mwynhad ar yr ynys:

Sbienddrych.
Camera/deunyddiau celf.
Gwialen bysgota.
Offerynnau cerdd, ond nid rhai mawr – dim piano, os gwelwch yn dda!

Mae’r canlynol ar gael drwy drefnu ymlaen llaw
Cot/cadair uchel – yn rhad ac am ddim
Barbaciw nwy - £5 y dydd (gan gynnwys nwy)

 

 

 

Dylunio a gwaith cynnal gan WiSS

Swyddfa Enlli, Plas Glyn-y-Weddw, Llanbedrog, Pwllheli, Gwynedd, LL53 7TT Rhif Ffôn: 08458 11 22 33